If I'm not back again this time tomorrow, carry on, carry on

Stjórnarfundur Gullglyðranna Group var haldinn síðastliðið laugardagskvöld á klassastaðnum Thorvaldsen. Mæting var með eindæmum góð, mættir voru allir stjórnarmeðlimir.
Fram fór umræða um stjórnarfyrirkomulag innan fyrirtækisins og farið var yfir skipurit og deildaskipan. Ennfremur var lagt fram frumvarp að lögum um algerlegt og undanþágulaust bann við barneignum stjórnarmeðlima a.m.k. næstu 5 árin. Einhverjir ræðumenn mæltu á móti frumvarpinu til að byrja með en lokaniðurstaða málsins varð sú að frumvarpið var samþykkt af meirihluta stjórnar.
Næst á dagskrá stórfyrirtækisins er vitanlega stórafmæli deildarstjóra hönnunar- og menningasviðs. Mun það fara fram með pompi og pragt næstkomandi þriðjudagsvöld. Ekki verður tekið fram hér hvar gleðin mun fara fram vegna líklegs ágangs fjölmiðla og æstra samkeppnisaðila sem e.t.v. myndu sjá sér leik á borði og stofna til mótmæla eða múgæsingar vegna atburðarins.
Annars er lítið á dagskrá næstu vikurnar hjá Gullglyðrunum Group annað en hið daglega líf, því þó ótrúlegt megi virðast lifa flestir stjórnarmeðlimir fyrirtækisins rólegu og eðlilegu fjölskyldulífi.

lifið heil
kv. Framkvæmdastjóri Pharmacutical and Genetics department Golden Sluts Group